შემწვარი ნაყინი - უჩვეულო დესერტი
შემწვარი ნაყინი - უჩვეულო დესერტი
დრო 0წთ
ულუფა 0
სირთულე საშუალო
შეინახე რეცეპტი

ინგრედიენტები

  • ქოქოსის ფანტელი - 1/2 ჭ
  • რძე - 1 ს.კ
  • კვერცხი - 1
  • სიმინდის ბურბუშელა (corn flakes) - 2 ჭიქა
  • ვანილის ნაყინი - 500 გ
  • შაქარი - 1 ჩ.კ
  • დარიჩინი - მწიკვი
მომზადების წესები
დაფაზე დააფინეთ პერგამენტის ქაღალდი, ზედ დაალაგეთ ნაყინის ბურთები, გაყინეთ 2 საათი ან იმდენი ხანი, სანამ ნაყინი ძალიან არ გამაგრდება.

თასში ჩაყარეთ დაფხვნილი სიმინდის ბურბუშელა, ქოქოსის ფანტელი და დარიჩინი. ამ ნარევში ამოავლეთ ნაყინის ბურთები და შეაბრუნეთ კვლავ საყინულეში მინიმუმ 30 წუთი.

ათქვიფეთ კვერცხი, რძე და შაქარი. ნაყინის ბურთულები ამოავლეთ ჯერ ამ ნარევში, შემდეგ ისევ ბურბუშელაში და კვლავ საყინულეში შეაბრუნეთ რომ ბოლომდე გამაგრდეს.

საბოლოოდ, სქელძირიან ქვაბში ბლომად ზეთი ჩაასხით (ან ფრიტიური გამოიყენეთ) . მდუღარე ზეთში ფრთხილად ჩაუშვით ნაყინის ბურთები და 30 წამი შეწვით, სანამ ოქროსფერს არ მიიღებს.


მიირთვის მაშინვე.

ბურთების მომზადება-გაყინვა ხანგრძლივი პროცესია და შეგიძლიათ წინასწარ ბევრი მოამზადოთ, მირთმევის წინ კი იმდენი შეწვათ, რამდენიც გჭირდებათ


ტეგები:
ნაყინი ნანახია: 15972