ფუმფულა და გემრიელი არაჟნის კექსი
ფუმფულა და გემრიელი არაჟნის კექსი
დრო 100წთ
ულუფა 20
სირთულე საშუალო
შეინახე რეცეპტი

ინგრედიენტები

  • არაჟანი - 250 გ
  • შაქარი - 250-300 გ
  • მარილი - მწიკვი
  • სოდა - 1 ჩ.კ
  • ფქვილი - 3 ჭიქა
  • კვერცხი - 6
  • ვანილი - 1 პაკეტი
  • დარბილებული კარაქი - 150 გ
მომზადების წესები

ათქვიფეთ კარაქი და შაქარი გათეთრებამდე. დაამატეთ კვერცხები სათითაოდ, თან კარგად თქვიფეთ მიქსერით. შეურიეთ არაჟანიც.  
ფქვილი, სოდა და მარილი ერთმანეთში აურიეთ და ჩაამატეთ ცომს. თქვიფეთ დაბალ სიჩქარეზე. არ დაგავიწყდეთ ვანილიც.

ფორმას წაუსვით კარაქი და მოაფრქვიეთ ფქვილი. ღუმელი გაახურეთ 160 გრადუსზე.
ჩაასხით ცომი ფორმაში და გამოაცხვეთ  დაახლოებით 1 სთ 20 წთ (შესაძლოა მეტი ან ნაკლები დასჭირდეს, დამოკიდებულია ღუმელსა და ფორმაზე.)
15 წუთი ფორმაშივე გააცივეთ, შემდეგ ამოიღეთ და ცხაურზე გადაიტანეთ საბოლოო გაციებამდე.

მორტეთ სურვილის მიხედვით, ან უბრალოდ პუდრა მოაყარეთ. შეგიძლიათ დაამატოთ გაყინული ან ცოცხალი (სეზონზე) კენკრა, ქიშმიში და ა.შ.

ტეგები:
კექსი არაჟანი ნანახია: 151780