კარტოფილის ქაბაბი სოკოთი და ტარხუნით
კარტოფილის ქაბაბი სოკოთი და ტარხუნით
დრო 35წთ
ულუფა 10
სირთულე საშუალო
შეინახე რეცეპტი
"გემრიელის" სტუმარი ქალბატონი გახლავთ. ეს სასიამოვნო ქალბატონი არაჩვეულებრივი დიასახლისია. 25 წელია რას საქართველოში ცხოვრობს და კარგად აქვს შესწავლილი ქართული კულტურა, ტრადიციები და რაც მთავარია – კულინარია. მან ჩვენი მკითხველისთვის ორი უგემრიელესი კერძი მოგვიმზადა.

ჩვენი ჟურნალის წინა ნომრიდან ალბათ გახსოვთ ქალბატონი ევგენია ევსეევა-შავერდაშვილი, რომელმაც უგემრიელესი რეცეპტები მოგვაწოდა. ამიერიდან ქალბატონი ევგენია ყოველ თვე შესთავაზებს ჩვენს მკითხველს გემრიელი და მარტივი კერძების რეცეპტებს. მის მიერ მოწოდებული რეცეპტი მემარხულეებს დააინტერესებთ.

ინგრედიენტები

  • კამა - 1 კონა
  • ტარხუნა - 1 კონა
  • სოკო - 500 გ
  • სოდა - მწიკვი
  • მაიონეზი - 200 გ
  • კარტოფილი - 500 გ
  • ხახვი - 2 თავი
  • მწვანე ხახვი - 2-3 ღერი
  • მარილი და პილპილი
  • ფქვილი და საფანელი
მომზადების წესები
კარტოფილი მოვხარშოთ, გადავწუროთ და დავჭყლიტოთ. მაიონეზში ავურიოთ სოდა, დავუმატოთ კარტოფილს მარილთან და პილპილთან ერთად.

სოკო თხლად დავჭრათ და წვრილად დაჭრილ ხახვთან ერთად მოვშუშოთ, დავუმატოთ დაჭრილი კამა და ტარხუნა. მოშუშულ ბოსტნეულს დავაყაროთ წვრილად დაჭრილი მწვანე ხახვი, გავუწყოთ მარილი, პილპილი და გადმოვდგათ ცეცხლიდან.

კარტოფილისგან გავაკეთოთ გუნდები, გულში მოვათავსოთ მოშუშული სოკო, მივცეთ მოგრძო ფორმა, ამოვავლოთ ფქვილისა და საფანელის ნარევში და გაცხელებულ ზეთში შევწვათ.


ტეგები:
კარტოფილი მაიონეზი სოკო ნანახია: 33500