კარტოფილის ქაბაბი სოკოსა და ტარხუნის შიგთავსით - სამარხვო კერძი მკითხველის რეცეპტით
კარტოფილის ქაბაბი სოკოსა და ტარხუნის შიგთავსით - სამარხვო კერძი მკითხველის რეცეპტით
დრო 35წთ
ულუფა 10
სირთულე საშუალო
შეინახე რეცეპტი

ავტორი: ევგენია ევსეევა-შავერდაშვილი

ინგრედიენტები

  • კამა - 1 კონა
  • ტარხუნა - 1 კონა
  • სოკო - 500 გ
  • სოდა - მწიკვი
  • მაიონეზი - 200 გ
  • კარტოფილი - 500 გ
  • ხახვი - 2 თავი
  • მწვანე ხახვი - 2-3 ღერი
  • მარილი და პილპილი
  • ფქვილი და საფანელი
მომზადების წესები

კარტოფილი მოვხარშოთ, გადავწუროთ და დავჭყლიტოთ. მაიონეზში ავურიოთ სოდა, დავუმატოთ კარტოფილს მარილთან და პილპილთან ერთად.

სოკო თხლად დავჭრათ და წვრილად დაჭრილ ხახვთან ერთად მოვშუშოთ, დავუმატოთ დაჭრილი კამა და ტარხუნა. მოშუშულ ბოსტნეულს დავაყაროთ წვრილად დაჭრილი მწვანე ხახვი, გავუწყოთ მარილი, პილპილი და გადმოვდგათ ცეცხლიდან.

კარტოფილისგან გავაკეთოთ გუნდები, გულში მოვათავსოთ მოშუშული სოკო, მივცეთ მოგრძო ფორმა, ამოვავლოთ ფქვილისა და საფანელის ნარევში და გაცხელებულ ზეთში შევწვათ.

 

ტეგები:
კარტოფილი მაიონეზი სოკო ნანახია: 34837