კვერცხის გული და შაქარი შევურიოთ ნაღებს და დავდგათ დაბალ ცეცხლზე. თან ვურიოთ. მასა რომ გაცხელდება და შესქელდება (მაგრამ არ უნდა ადუღდეს), გადმოვდგათ და გავაციოთ. დავამატოთ ვანილი.შოკოლადი გავადნოთ, ხაჭო გავატაროთ საცერში. ავთქვიფოთ კარაქი და შევათქვიფოთ ხაჭო. შემდეგ ნაღების მასა, დაჭრილი ჩირეული და ნიგოზი.მიღებული მასა ორად გავყოთ და ნახევარს შოკოლადი შევურიოთ. მარლა დავასველოთ და კარგად გავწუროთ. ჩავაფინოთ ფორმაში, რომელსაც ძირში ექნება ნახვრეტი. შეიძლება გამოვიყენოთ ნასვრეტებიანი ჯამი. ჩავასხათ შავი და თეთრი ხაჭოს მასა მონაცვლეობით, თავზეც მარლა გადავაფაროთ და რაიმე სიმძიმე დავადოთ.შემდოთ მაცივარში მთელი ღამით. გამოსული სითხე გადავღვაროთ. გადმოვიღოთ თეფშზე და მოვრთოთ სურვილის მიხედვით.