სუფლე - ტორტებისა და დესერტებისთვის
სუფლე - ტორტებისა და დესერტებისთვის
დრო 0წთ
ულუფა 0
სირთულე საშუალო
შეინახე რეცეპტი
ძალიან ნაზი, გემრიელი და მსუბუქი სუფლე, რომელიც შეგიძლიათ ტორტის ფენად გამოიყენოთ, ან პირდაპირ მიირთვათ ხილთან ერთად.

ინგრედიენტები

  • სახამებელი - 1 ს.კ
  • ჟელატინი - 40 გ
  • შაქარი - 2 ჭიქა(360 გ)
  • კარაქი - 300 გ
  • რძე - 200 გ
  • კვერცხი - 10
  • ვანილიანი შაქარი - 3 ჩ.კ
  • წყალი - 170 მლ
მომზადების წესები
სახამებელს დავასხათ წყლის ნახევარი ულუფა და ავურიოთ. დანარჩენი წყალი დავასხათ ჟელატინს.

კვერცხის ცილა და გული გავაცალკევოთ. გულები ქვაბში გადავიტანოთ, დავამატოთ 1 ჭიქა შაქარი, ვანილი, ავთქვიფოთ, დავამატოთ რძე, წყალში გახსნილი სახამებელი და დავდგათ დაბალ ცეცხლზე. თან გამუდმებით ვურიოთ, სანამ არ გასქელდება. 
კრემი ქვაბითვე ჩავდოთ ცივ წყალში, რომ სწრაფად გაცივდეს, შემდეგ ავთქვიფოთ დარბილებულ კარაქთან ერთად.
.
ცილა ავთქვიფოთ დარჩენილ შაქართან ერთად. გავადნოთ ჟელატინი და თქვეფის შეუჩერებლად შევურიოთ ბეზეში.  შემდეგ შევურიოთ  ეს მასა კარაქიან კრემს. 

მიღებული სუფლე შეგვიძლია პირდაპი რაიმე ფორმაში ჩავასხათ და მაცივარში გავაციოთ, შემდეგ კი დავჭრათ. ან ტორტის ფენად გამოვიყენოთ
ტეგები:
კვერცხი სუფლე ჟელატინი კარაქი ნანახია: 63980