შოკოლადის ნაზი კექსი
შოკოლადის ნაზი კექსი
დრო 90წთ
ულუფა 8
სირთულე საშუალო
შეინახე რეცეპტი

ინგრედიენტები

  • ზეთი - 100 მლ
  • კაკაო - 2 ს.კ
  • ფქვილი - იმდენი, რომ კეფირის სისქის კრემოვანი ცომი მივიღოთ
  • კვერცხი - 1
  • არაჟანი - 3 ს.კ
  • რძე - 130 გ
  • შაქარი - 130 გ
მინანქრისთვის:
  • შოკოლადი - 100 გ
  • ნაღები - 60 გ
  • ხილი მოსართავად
მომზადების წესები
ავთქვიფოთ შაქარი და კვერცხი, დავამატოთ არაჟანი და რძე, შემდეგ სოდა+ლიმონის წვენი. დავაცრათ კაკაო და ფქვილი, დავამატოთ ზეთი. უნდა მივიღოთ კრემისებური, ცოტა თხელი ცომი, დაახლოებით ისეთი, როგორც ცივი კეფირის სისქეა. შეგვიძლია დავამატოთ სხვადასხვა არომატი ჩვენი სურვილით: ვანილი, ალკოჰოლი, ფორთოხლის ცედრა…

20-22 სმ დიამეტრის  საცხობ ფორმაში ჩავაფინოთ ქაღალდი და დავასხათ ცომი.გამოვაცხოთ 180 გრადუსზე დაახლოებით 20 - 30 წუთი. ბისკვიტი გავაციოთ და მოვასხათ შოკოლადის მინანქარი.

მინანქრისთვის ჯამში მოვათავსოთ დატეხილი შოკოლადი, 20% იანი ნაღები (ან ცხიმიანი რძე, ან 20 გ კარაქი+3-5 ს.კ წყალი) და გავადნოთ ორთლზე. კარგად ავურიოთ, რომ ერთგვაროვანი გახდეს. გავაციოთ და წავუსვათ თავზე ნამცხვარს. მოვრთოთ ხილით.