ცომის ინგრედიენტები ერთმანეთს შევურიოთ და ავსრისოთ ხელით ან კომბაინში შევურიოთ. მივიღებთ ფხვიერ, ქვიშასავით მასას. გულსართისთვის კვერცხი და შაქარი ავთქვიფოთ, დავამატოთ ხაჭო, არაჟანი, ვანილი და ფქვილი. 26-28 სმ დიამეტრის ფორმას წავუსვათ ცხიმი და მასში ცომის მასის ნახევარზე ცოტა მეტი გავანაწილოთ. ზემოდან დავფაროთ ხაჭოს კრემით, შემდეგ კი მოვაყაროთ დარჩენილი ცომის ფხვიერი მასა.გამოვაცხოთ 180 გრადუსზე, დაახლოებით 40-50 წუთი.ნამცხვარი ფორმიდან ფრთხილად უნდა ამოვიღოთ, რადგან ადვილად იფხვნება. სასურველია გვერდებმოსახსნელი ფორმა შევარჩიოთ.