ტრადიციული ბერძნული მუსაკა
დრო 0წთ
ულუფა 0
სირთულე რთული
შეინახე რეცეპტი

ინგრედიენტები

  • ყველი - 200 გ
  • ტომატ-პასტა - 1 ს.კ
  • პამიდვრის პიურე - 400 გ
  • ფქვილი - 1 ს.კ
  • ხახვი - 2 თავი
  • მუსკატის კაკალი (ჯავზი) - დანის წვერით
  • ზეთი - 6 ს.კ
  • ნიორი - 2 კბილი
  • ბადრიჯანი - 2-3, მრგვლად დაჭრილი
  • საქონლის ან ბატკნის ფარში - 500 გ
  • ქონდარი
  • ოხრახუში
  • პამიდორი - 2-3
სოუსი
  • კარაქი - 50 გ
  • ფქვილი - 1 ს.კ
  • რძე - 400 გ
  • მარილი და პილპილი
მომზადების წესები
ტაფაში გააცხელეთ 2 კოვზი ზეთი და მოშუშეთ ხახვი და ნიორი. შემდეგ დაამატეთ ფარში და შუშეთ, თან ხშირად აურიეთ. დაამატეთ მუსკატის კაკალი, ქონდარი, ფქვილი. აურიეთ და განაგრძეთ შუშვა. ორიოდე წუთში დაამატეთ პომიდორი, ტომატი, წყალი და შუშეთ კვლავ 15-20 წუთი, საშუალო ცეცხლზე. ბოლოს დაამატეთ მარილი და პილპილი

პარალელურად, დანარჩენ ზეთში შეწვით დაჭრილი ბადრიჯანი ორივე მხრიდან, სწრაფ ცეცხლზე.

სოუსისთვის ქვაბში გაადნეთ კარაქი, დაამატეთ ფქვილი და სწრაფად ურიეთ. რამდენიმე წამი შუშეთ, შემდეგ დაასხით რძე, კარგად აურიეთ, რომ კოშტები არ დარჩეს და ასევე ხშირი მორევით მიიყვანეთ ადუღებამდე. მორევა არ შეწყვიტოთ, ისე ხარშეთ დაბალ ცეცხლზე ორიოდე წუთი. სოუსი შესქელდება. დაამატეთ მარილი და პილპილიც.

ღუმელის ფორმაში ძირზე დააფინეთ ბადრიჯნის ნაჭრები, ზემოდან გაანაწილეთ ფარში, შემდეგ კვლავ ბადრიჯანი და ფარში. ზემოდან მოასხით შეგრილებული სოუსი და მოაყარეთ გახეხილი ყველი. ზემოდან დაალაგეთ  პომიდვრის ნაჭრები.

მოამზადეთ 180 გრადუსზე გახურებულ ღუმელში დაახლოებით 15-20 წუთი, სანამ ყველი გადნება და მოიბრაწება.

*მუსაკას ზოგიერთ რეცეპტში დამატებულია კარტოფილის პიურეც, რომელიც კერძს ფარშისა და ბადრიჯნის შემდეგ ემატება. ბადრიჯნის ნაცვლად ასევე შეგიძლიათ გამოიყენოთ ყაბაყი.