საშუალო ზომის ღუმელის ფორმას წავუსვათ კარაქი. ატამი დავჭრათ თხელ ნაჭრებად და ჩავალაგოთ ფორმაში. 4 ს.კ შაქარი ჩავყაროთ ქვაბში, დავამატოთ წყალი და მოვადუღოთ სიროპი. გადმოვდგათ და გავაციოთ. შაქარი ხელახლა დაკრისტალდება.კვერცხი და შაქარი მიქსერით ავთქვიფოთ, დავამატოთ სოდა ძმრით, ფქვილი. მივიღებთ არაჟნის სისქის ცომს. შაქრის სიროპი ხელახლა დავდგათ ცეცხლზე. როცა შაქარი ხელახლა გადნება, ფერს შეიცვლის და ოქროსფერს მიიღებს. ეს კარამელი დავასხათ ატმებს ფორმაში. შემდეგ ზემოდან დავასხათ მზა ცომი. გამოვაცხოთ 180 გრადუსზე გახურებულ ღუმელში დაახლოებით 30-40 წუთი. მზა ნამცხვარი გადმოვაბრუნოთ თეფშზე ისე, რომ ქვედა ატმიანი მხარე ზემოთ მოექცეს
