კვერცხი, შაქარი და თაფლი დაახლოებით 7-10 წუთი ვთქვიფოთ, სანამ მკვრივ მოთეთრო მასას არ მივიღებთ და მოცულობაში 3-4ჯერ არ გაიზრდება. შემდეგ დავამატოთ გაცრილი ფქვილი და ფრთხილად ამოვურიოთ მიქსერის გარეშე. ჩავასხათ 22-24 სმ ფორმაში, ძირზე ჩავაფინოთ ქაღალდი. გვერდებზე ცხიმი არ წავუსვათ. გამოვაცხოთ 170-180 გრადუსზე და ფორმაშივე გავაციოთ. შემდეგ გვერდებზე ფრთხილად შემოვატაროთ დანა და ბისკვიტი ამოვიღოთ. ბისკვიტს შეგვიძლია წავუსვათ სასურველი კრემი. უხდება მოხარშული შესქელებული რძე (სურვილის შემთხვევაში, 1 ქილა ავთქვიფოთ 150 გ კარაქთან ან არაჟანთან ერთად). ზედა ფენას კრემი არ სჭირდება, უბრალოდ მოვასხათ გამდნარი შოკოლადის მინანქარი და ნიგვზები მოვაყაროთ.