სურნელოვანი კექსი მანანის ბურღულით და თაფლით
სურნელოვანი კექსი მანანის ბურღულით და თაფლით
დრო 120წთ
ულუფა 10
სირთულე საშუალო
შეინახე რეცეპტი

ინგრედიენტები

  • დარბილებული კარაქი - 250 გ
  • შაქარი - 180 გ
  • თაფლი - 2 ს.კ
  • კვერცხი - 5
  • ვანილი
  • მანანის ბურღული - 2 ჭიქა
  • დაფქული ნუში - 1.5 ჭიქა
  • გამაფხვიერებელი - 2 ჩ.კ
მინანქარი
  • წყალი - 1 ჭიქა
  • შაქარი - 1/2 ჭიქა
  • თაფლი - 2 ს.კ
  • დარიჩინი - 1 ჯოხი
  • კარდამონი (ილი) - 5 მარცვალი
მომზადების წესები
გაახურეთ ღუმელი 180 გრადუსზე. წაუსვით ცხიმი საშუალო ზომის კექსის ფორმას.

ათქვიფეთ კარაქი, შაქარი, თაფლი, ვანილი. შეათქვიფეთ კვერცხები სათითაოდ. შეურიეთ მანანის ბურღული, ნუში და გამაფხვიერებელი. გადაიტანეთ ფორმაში და გამოაცხეთ.

მზა ცხელი კექსი ფორმიდან ამოიღეთ და ჩხირით დაჩხვლიტეთ. მოასხით ასევე ცხელი სიროპი, რომელსაც შემდეგნაირად მოამზადებთ:

ყველა ინგრედიენტი ქვაბში მოათავსეთ, დადგით დაბალ ცეცხლზე რომ შაქარი გადნეს, შემდეგ მაღალ ცეცხლზე წამოადუღეთ.  დაუწიეთ და  ხარშეთ 8-10 წუთი, სანამ განახევრდება.

გაციევების შემდეგ ნამცხვარი დაჭერით და მოასხით მორჩენილი სიროპი.