ფქვილი გაცერით და შეურიეთ სოდა.კვერცხი კარგად ათქვიფეთ მიქსერით, შეათქვიფეთ შაქარი, შემდეგ თაფლი. ნაწილ-ნაწილ დაამატეთ ფქვილი და თან დაბალ სიჩქარეზე თქვიფეთ. გაახურეთ ღუმელი 160 გრადუსზე. საშუალო ზომის ფორმას დააფინეთ ქაღალდი. ჩაასხით ცომის ნახევარი და გამოაცხეთ 35-40 წუთი. შემდეგ ასევე გამოაცხეთ მეორე ფირფიტა დარჩენილი ცომით. შავი ქლიავის ჩირს დაასხით მდუღარე წყალი 15-20 წუთით. შემდეგ წვრილად დაჭერით.ნაღები თქვიფეთ, რომ მიიღოთ მსუბუქი მუსისმაგვარი მასა, შემდეგ დაამატეთ არაჟანი და შაქრის პუდრა. განაგრძეთ თქვეფა , რომ კარგად შეერიოს ერთმანეთს.ფირფიტები ირად გაჭერით, ისე რომ სულ 4 ფირფიტა მიიღოთ. თუ ფირფიტები ტორტის ფორმაში გამოაცხეთ, სიბრტყეზე გაჭერით, ხოლო თუ ფართო ტაფაში გამოაცხობთ (რომელიც ყველა ღუმელს მოჰყვება სტანდარტულად), მაშინ უბრალოდ ორ ნაწილად გაყავი თითოეული.ერთ ფირფიტას წაუსვით კრემი, მოაყარეთ ქლიავი, ნიგოზი და დააფარეთ მეორე ფირფიტა. ასევე გაიმეორეთ შემდეგზეც.ზემოდან, კრემის წასმის შემდეგ მთლიანი ნიგვზებით მორთეთ.სასურველია მაცივარში 3-4 საათი მაინც გააჩეროთ.
