თაფლი, შაქარი და კარაქი ერთად გავადნოთ ქვაბში. დავამატოთ ათქვეფილი კვერცხი და სოდა. დავდგათ ორთლზე და ვხარშოთ 5-7 წუთი. გადმოვდგათ ცეცხლიდან და შევურიოთ ფქვილი, კაკაო და გამაფხვიერებელი. მიღებული ცომი გავაციოთ მაცივარში 1 სთ. გაციებული ცომი გავყოთ 7 თანაბარ გუნდად და თხლად გავაბრტყელოთ. დავადოთ თეფში ან რაიმე ტრაფარეტი და გვერდები ლამაზად შემოვაჭრათ. უნდა დაგვრჩეს 20 სმ დიამეტრის ფირფიტები . თითოეული გამოვაცხოთ 6 წუთი 180 გრადუსზე, ქაღალდდაფენილ ტაფაში.ნიგოზი გავრეცხოთ, გადავიტანოთ ტაფაზე, მოვაყაროთ შაქარი, კარგად ავურიოთ და ამ სახით ღუმელში გამოვაშროთ. შემდეგ კი დანით დავაქუცმაცოთ.კრემისთვის: 500 მლ რძეს შევურიოთ შესქელებული რძე და დავდგათ დაბალ ცეცხლზე. მივიყვანოთ ადუღებამდე.დარჩენილ რძეს შევურიოთ სახამებელი და ჩავამატოთ მდუღარე რძეს. გამუდმებით ვურიოთ - კრემი სწრაფად შესქელდება. გავაციოთ ოთახის ტემპერატურამდე.დარბილებული კარაქი ავთქვიფოთ და შევურიოთ კრემს. ფირფიტებს წავუსვათ კრემი, მოვაყაროთ ჟოლო და ნიგოზი. ამგვარად გავიმეოროთ დანარჩენი ფენებისთვისაც.ბოლო ფენას მოვასხათ შოკოლადის მინანქარი. გავადნოთ შოკოლადი 2 ს.კ ზეთთან ერთად და წავუსვათ ნამცხვარს. ზემოდან მოვრთოთ ხილით