ღუმელი გაახურეთ 180 გრადუსზე.ფქვილი, სახამებელი და კაკაო შეურიეთ ერთმანეთს. კვერცხის ცილა და გული გააცალკევეთ. გულები ათქვიფეთ 60 გ შაქართან ერთად. 2 კვერცხის ცილით და 40 გ შაქრით მოამზადეთ ბეზე. შეურიეთ კვერცხის გულების მესამედი ნაწილი. დაამატეთ გამდნარი კარაქი, ფქვილიანი ნარევი. ბოლოს დაამატეთ დარჩენილი ცილები (ჩანგლით მსუბუქად ათქვეფილი). ცომი გადაიტანეთ საშუალო ზომის ფორმაში და გამოაცხეთ დაახლოებით 25 წუთი. ტაფაში გაადნეთ 2 ს.კ შაქარი 1 ჩ.კ. წყალთან ერთად, ჩაამატეთ ნიგოზი და გაუკეთეთ კარამელიზება. ბოლოს დაამატეთ 1 ჩ.კ კარაქი, მოურიეთ და გადადეთ გვერდზე. შოკოლადი დატეხეთ, დაასხით ცხელი ნაღები, დაამატეთ დაჭრილი კარაქი და კარგად მოურიეთ. გააციეთ განაში ბოლომდე.გათალეთ მსხალი, ამოაცალეთ გული და დაჭერით თხლად. დაასხით კონიაკი და ლიმონის წვენი. ბისკვიტი ორად გაჭერით. მსხლის წვენის ნაწილით დანამეთ პირველი ფენა და გაანაწილეთ თავად მსხალიც. დაასხით განაშის ნახევარი და მოაყარეთ კარამელიზებული ნიგოზი. დაადეთ ბისკვიტის მეორე ფენა, კვლავ დანამეთ და გადაუსვით დარჩენილი კრემი. ტორტი შეინახეთ მაცივარში რამდენიმე საათი (უმჯობესია ერთი ღამით) . მორთეთ სურვილის მიხედვით.
