ამ ორიგინალური ნამცხვრის მოსამზადებლად იგივე ინგრედიენტები დაგვჭირდება, რაც ეკლერისა და შუც ცხობისას. კარაქი ქვაბში მოვათავსოთ, დავასხათ წყალი და ცეცხლზე დავდგათ. მივიყვანოთ ადუღებამდე, ამასობაში კარაქი მთლიანად უნდა გადნეს.ჩავაყაროთ ფქვილი, ხის კოვზით სწრაფად გადავურიოთ. ცეცხლი დაბალი უნდა იყოს, რომ არ დაიწვას, თან ენერგიულად ვურიოთ. როცა ცომი მოგუნდავდება და ქვაბის კედლებს ადვილად მოსცილდება, ცეცხლიდან გადმოვდგათ. ცომი სხვა, ცივ ჭურჭელში გადავიტანოთ რომ ხარშვა შეწყვიტოს, სათითაოდ შევურიოთ კვერცხები. შეგვიძლია, ეს მიქსერით გავაკეთოთ, ან ისევ ხის კოვზით.ცომი გადავიტანოთ საკონდიტრო ტომარაში და წვრილი თავით დავსვათ ტაფაზე გედის ყელისა და თავის ფორმის ცომი. ვაცხოთ სანამ მსუბუქ ოქროსფერს არ მიიღებს.შემდეგ ცომი მოგრძო ფორმით დავსვათ გედის ტანისთვის. გამოვაცხოთ კვლავ 180 გრადუსზე.გაციებული მზა ცომი გავჭრათ შუაზე, ზედა ნაწილი კიდევ ორად (იხილეთ ფოტო) და ჩაუდეთ კრემი. შემდეგ მიუმაგრეთ თავები.