იმამ-ბაიალდი - უგემრიელესი კერძი ბადრიჯნით
იმამ-ბაიალდი - უგემრიელესი კერძი ბადრიჯნით
დრო 70წთ
ულუფა 4
სირთულე საშუალო
შეინახე რეცეპტი
ეს გახლავთ თურქული კერძი, რომელიც აჯაფსანდალს და რატატუის ენათესავება. იმამ-ბაიალდი  ქართულად ითარგმნება როგორც " იმამს გული წაუვიდა". კერძის გემოზე სახელი თავად მეტყველებს :)

ინგრედიენტები

  • ზეითუნის ზეთი - 4-5 ს.კ
  • ოხრახუში - 1 კონა
  • ნიორი - 6 კბილი
  • ხახვი - 2 თავი
  • პამიდორი - 4 -5 ცალი
  • ბადრიჯანი - 3-4 ცალი
  • მარილი და პილპილი
  • ლიმონის წვენი - 3-4 ს.კ
მომზადების წესები
პამიდორს გააცალეთ კანი და წვრილად დაჭერით. ხახვი ალყა-ალყად, ნიორი და მწვანილი კი წვრილად დაჭერით.  სქელძირიან ტაფაში გააცხელეთ ზეითუნის ზეთი და მოშუშეთ ხახვი. შემდეგ დაამატეთ ნიორი და კვლავ შუშეთ 1 წუთი. დაამატეთ პამიდორი და ოხრახუში, მოაყარეთ მარილი და პილპილი. ამოურიეთ და გადმოდგით.

ბადრიჯანს თავი და ბოლო მოაჭერით.  თხლად დაჭერით და მოაყარეთ მარილი. 20 წუთში გადაავლეთ წყალი და გაწურეთ. შეგიძლიათ წინასწარ მობრაწოთ, ან პირდაპირ უმი ჩაალაგოთ ღრმა ფორმაში. დაასხით დარჩენილი ზეთი და ლიმონის წვენი,  პომიდვრის სოუსი, დააფარეთ თავზე ფოლგა და შედგით ღუმელში 200 გრადუსზე. ბადრიჯანი რომ შეიწვება და დარბილდება, კერძი მზადაა.

გემრიელია როგორც თბილი, ასევე მაცივარში გაჩერებულიც, ცივ მდგომარეობაში. შეგიძლიათ მზა კერძს დაამატოთ სასურველი მწვანილი.