რაში მდგომარეობს ამ კერძის განსაკუთრებული ხიბლი? შეგიძლიათ წინასწარ სანახევროდ მოამზადოთ, შემდეგ კი, საჭირო დროს, სწრაფად აქციოთ გემრიელ სადილად. ღორის ნეკნები წინასწარ მოხარშეთ მარილიან წყალში, რომელსაც დამატებული აქვს დაფნა და სურნელოვანი პილპილი. ბულიონშივე გააციეთ და საჭირო დრომდე მაცივარში შეინახეთ.როცა სტუმრები მოვლენ, ან უბრალოდ გემრიელი სადილის დრო მოახლოვდება, ტაფაზე გაადნეთ 1 კოვზი კარაქი და დაბრაწეთ ნეკნები, დაამატეთ დაჭრილი ხახვი. ხორცი რომ დაიბრაწება და ხახვიც ფერს შეიცვლის, დაამატეთ სასურველი სანელებლები: ქინძის თესლი, მდოგვის მარცვლები, პილპილი, წითელი წიწაკა და ა.შ. რაც მოგწონთ.დაასხით წითელი ღვინო და წამოადუღეთ. ბოლოს, მზა კერძს დაამატეთ წვრილად დაჭრილი ნედლი ქინძი და ნიორი.
