წარმოუდგენლად გემრიელი ნამცხვარი ვაშლით და ფხვიერი ცომით
წარმოუდგენლად გემრიელი ნამცხვარი ვაშლით და ფხვიერი ცომით
დრო 60წთ
ულუფა 12
სირთულე საშუალო
შეინახე რეცეპტი

ინგრედიენტები

  • შაქარი - ვაშლისთვის, 1/2 ჭიქა
  • ვაშლი - 1.5 კგ
  • კარაქი - 250 -300 გ
  • დარიჩინი - 2 ჩ.კ
  • ყავისფერი შაქარი - 1 ჭიქა და 1/4
  • ფქვილი - 2.5 ჭიქა
  • დარიჩინი - ვაშლისთვის, 1 ჩ.კ
  • სახამებელი - 2 ჩ.კ
მომზადების წესები
ფქვილი, შაქარი და დარიჩინი შეურიეთ ერთმანეთს. დაამატეთ დაჭრილი კარაქი და თითებით ასრისეთ, ან კომბაინი გამოიყენეთ. მიღებული ფხვიერი მასის 2/3 ჩატკეპნეთ 26 სმ დიამეტრის ფორმაში, ირზე და გვერდებზე. შედგით მაცივარში (დარჩენილი ცომიც) და მანამდე მოამზადეთ გულსართი.
გაახურეთ ღუმელი 200 გრადუსზე. ვაშლები გათალეთ, გაჭერით 4-ად, ამოაჭერით გული და ძალიან თხელ ფირფიტებად დაჭერით. მოაყარეთ დარიჩინი, სახამებელი, შაქარი და აურიეთ. გადაიტანეთ ფორმაში, რომელშიც ცომია. კარგად გაანაწილეთ, სასურველია ლამაზ, მჭიდრო ფენებად დაალაგოთ. ზემოდან მოაყარაეტ დარჩენილი ფხვიერი ცომი. 
შედგით გამოსაცხობად დაახლოებით 40 წუთი ან სანამ ლამაზ ოქროსფერს არ მიიღებს. გამოიღეთ ღუმელიდან, გააგრილეთ, მოხსენით ფორმას გვერდები.
მზა ნამცხვარს მოაფრქვიეთ შაქრის პუდრა. 
სასურველია მიირთვათ თბილი, ახალგამომცხვარი. მაგრამ გემრიელია ოთახის ტემპერატურისაც. მაცივარში ნუ შეინახავთ.