სახლში მომზადებული უგემრიელესი, ნატურალური ძეხვი
+ N/A
სახლში მომზადებული უგემრიელესი, ნატურალური ძეხვი
დრო 0წთ
ულუფა 0
სირთულე საშუალო
შეინახე რეცეპტი
სახლში ძეხვის მომზადება ცოტა ხანგრძლივი პროცესი კია, მაგრამ ნამდვილად ღირს დახარჯულ დროდ. ჯერ ერთი - ზუსტად გეცოდინებათ შიგნით რაა, დარწმუნებული იქნებით ინგრედიენტების ხარისხში. მეორეც - დარწმუნდებით, რომ ასეთი გემრიელი ძეხვი არასოდეს გაგისინჯავთ!

ინგრედიენტები

  • ნაწლავები - წვრილი, დაახლოებით 15 მეტრი
  • ღორის ხორცის ფარში - 1 კგ
  • მარილი და პილპილი
  • დაფნის ფოთოლი
  • ხმელი ორეგანო - 2 ჩ.კ
  • ნიორი - 5-8 კბილი
მომზადების წესები
პირველ რიგში, საგულდაგულოდ გარეცხეთ ნაწლავები. დაჭერით სასურველ ზომაზე და ჩაყარეთ მარილიან წყალში. 1-2 საათის შემდეგ კვლავ კარგად გარეცხეთ. თუ უსიამოვნო სუნი დაჰკრავს, კვლავ ჩაალბეთ სუსტ ძმრიან ხსნარში და შემდეგ გარეცხეთ.

ახლა მოამადეთ ფარში. წვრილი, ფაფასავით ფარში ძეხვისთვის არ გამოდგება. უმჯობესია ხორცი ან მსხვილ ბადეში გაატაროთ ან ბასრი დანით დაკეპოთ წვრილად. ხორცი სასურველია იყოს ცხიმის ძაფებით.  დაამატეთ მარილი, პილპილი, დაჭყლეტილი ნიორი, ხმელი ორეგანო. კარგად აურიეთ და დადგით 1 საათი, რომ არომატი გაუჯდეს. სურვილის შემთხვევაში, დაამატეთ სხვა სასურველი სანელებელიც.   შემდეგ ჩატენეთ ნაწლავებში ხელით ან სპეციალური მოწყობილობის დახმარებით, რომელიც, როგროც წესი, ხორცსაკეპ მანქანას ახლავს ხოლმე. ფარშს ძალიან მჭიდროდ ნუ ჩატენით. ძეხვს თავი და ბოლო კარგად გამოუნასკვეთ ან შეუკარით. ძეხვები დაჭყვლიტეთ ალაგ-ალაგ ბასრი საგნით და მოხარშეთ მდუღარე  მარილიან წყალში. წყალში წინასწარ ჩაამატეთ დაფნა. დაახლოებით 30-40 წუთი ხარშვის შემდეგ, ძეხვი გადაიტანეთ ტაფაზე და შეწვით ღუმელში, სანამ მადისაღმძვრელად არ დაიბრაწება. 
თუ მთლიანად არ გსურთ გამოყენება, შეგიძლიათ საყინულეში შეინახოთ და საჭირო დროს მოამზადოთ
ტეგები:
ღორის ხორცი ძეხვი ნანახია: 52185