ფენოვანი ცომი გაალღვეთ. გარეცხილი ისპანახი 1-2 წუთით მოათავსეთ მდუღარე წყალში, შემდეგ გადაწურეთ, გადაავლეთ ცივი წყალი ხარშვა რომ შეწყვიტოს და დაწურეთ. დაჭერით და შეურიეთ მარილი, პილპილი, მუსკატის კაკალი, 2 კვერცხი, ხაჭო და ყველი. გაახურეთ ღუმელი 180 გრადუსზე. ცომი გააბრტყელეთ და გაყავით ორად. ერთი ნაწილი მეორეზე ოდნავ დიდი უნდა იყოს. დიდი ნაწილი ჩააფინეთ გვერდებიან ფორმაში და გაანაწილეთ გულსართი. გაუკეთეთ პატარა ღრმულები წრიულად და ჩაახალეთ კვერცხები. (შეიძლება გამოიყენოთ მოხარშული კვერცხიც). თავზე გადააფარეთ მეორე ნაწილი ცომი, გვერდები ლამაზად შემოუკეცეთ და ზემოდან გადაუსვით ზეითუნის ზეთი. გამოაცხეთ ღუმელში სანამ ლამაზად არ დაიბრაწება. შეგიძლიათ ღვეზელები გამოაცხოთ მომცრო ფორმებში და კვერცხი ამ შემთხვევაში ცენტრში ჩაამატეთ (როგორც ფოტოზეა)