ბეზეს ტორტი გრილიაჟით
ბეზეს ტორტი გრილიაჟით
დრო 0წთ
ულუფა 12
სირთულე საშუალო
შეინახე რეცეპტი

ინგრედიენტები

მოსართავად
  • დაფქული თხილი - 50 გ
  • შაქარი - 200 გ
  • კვერცხის ცილა - 6
ბეზე
  • ნაღები 35 % - 400 გ
  • ნუთელა - 75 გ
  • შავი შოკოლადი - 200 გ
კრემი
  • თხილი და ნიგოზი - 50-50 გ
  • შოკოლადი
  • შაქრის პუდრი - 2 ს.კ
მომზადების წესები
მუქი კრემის მოსამზადებლად 100 გ ნაღები გააცხელეთ და დაასხით დატეხილ შოკოლადს. კარგად აურიეთ და შეინახეთ მაცივარში მინიმუმ 4 საათი. 
ღია  ფერის კრემისთვის ნუთელას დაასხით 100 გ ცხელი ნაღები და კარგად შეურიეთ. ესეც შედგით მაცივარში 4 საათი.

ბეზესთვის ათქვიფეთ ცილა და თანდათან შეათქვიფეთ შაქარი.  შემდეგ შეურიეთ თხილი და გადაიტანეთ მრგვალ პირიან საკონდიტრო ტომარაში.

საცხობ ქაღალდზე მოხაზეთ 24 სმ დიამეტრის წრე და აკურატულად  შეავსეთ ბეზეს ფენით. გამოაცხეთ  140 გრადუსზე 30-40 წუთი. ღუმელის კარი ოდნავ გამოღებული დატოვეთ, რომ ორთლი გავიდეს. მზა ბისკვიტი გააგრილეთ და შემდეგ აიღეთ ქაღალდიდან. სულ ცხვება სამი ფორფიტა.

ძალიან მსხვილად დაჭერით ნიგოზი და თხილი. მოხალეთ მშრალ ტაფაზე. მოაყარეთ შაქრის პუდრა და აცალეთ გადნობა.  შემდეგ გადაიტანეთ პერგამენტის ქაღალდზე და გააციეთ.

დარჩენილი ნაღებისგან ათქვიფეთ კრემი. გაყავით შუაზე. ერთ ნაწილს შეურიეთ შოკოლადიანი კრემი, მეორე ნაწილს - ნუთელას კრემი.

ბეზეს პირველ ფენას წაუსვით ნუთელას კრემი, დააფარეთ მეორე ბისკვიტი და წაუსვით შოკოლადის კრემი. მესამე ფენას ზემოდან კარამელიზებული თხილელი და შოკოლადის ბურბუშელა მოაყარეთ.