ინგლისური საშობაო კექსი -სადღესასწაულო სუფრის მშვენება!
ინგლისური საშობაო კექსი -სადღესასწაულო სუფრის მშვენება!
დრო 0წთ
ულუფა 20
სირთულე საშუალო
შეინახე რეცეპტი
ამ კექსის გემო მომავალ შობამდე გემახსოვრებათ და ყველა ძველ რეცეპტს დაგავიწყებთ.

ინგრედიენტები

  • დაფქული ნუში - 100 გ
  • სუნელების ნარევი (დარიჩინი, ანისი, მუსკატის კაკალი, სურნელოვანი პილპილი, კარდამონი, მიხაკი) - 2 ჩ.კ
  • ფქვილი - 300 გ
  • კვერცხი - 4
  • ყავისფერი შაქარი - 200 გ
  • დარბილებული კარაქი - 250 გ
  • რომი - 200 მლ
  • ლიმონის ცედრა - 2 ჩ.კ
  • ფორთოხლის ცედრა - 2 ჩ.კ
  • ლეღვის ჩირი - 100 გ
  • ანანასის ჩირი - 75 გ
  • ალუბლის ჩირი - 200 გ
  • ფინიკი, უკურკო - 150 გ
  • შავი ქიშმიში - 250 გ
  • თეთრი ქიშმიში - 500 გ
  • ნუში - მოსართავად
  • ალუბლის ჩირი - მოსართავად
  • კონიაკი - 2 ს.კ
მომზადების წესები
ყველანაირი ჩირი და ქიშმიში კარგად გარეცხეთ ცხელ წყალში. რაც დიდი ზომისაა დაჭერით ქიშმიშის ზომაზე. გადაიტანეთ ქილაში, დაასხით რომი, დააფარეთ და დადგით 5-6 დღე კარადაში. პერიოდულად შეანჯღრიეთ.
გამოცხობის დღეს გადაიტანეთ ჩირეული საწურზე, ზედმეტი სითხისგან დასაწდობად, შეაშრეთ და ამოავლეთ ფქვილში.
ღუმელი გაახურეთ 180 გრადუსზე. 20-22 სმ დიამეტრის ფორმას ჩაუფინეთ ქაღალდი. 
კარაქი და შაქარი კარგად ათქვიფეთ, სათითაოდ შეათქვიფეთ კვერცხები.დაამატეთ დაფქული ნუში, სუნელები, ფქვილი. ბოლოს შეურიეთ ჩირები. ფორმაში გადაიტანეთ და მოუსწორეთ ზედაპირი. თავზე თანაბრად დაალაგეთ მთლიანი ნუშები და ალუბლის ცუკატები. კექსს თავზე ფოლგა დააფარეთ და გამოაცხეტ 2.5 საათი დაახლოებით. მზაობა შეამოწმეთ ხის ჩხირის ჩარჭობით - თუ მშრალი ამოვა ე.ი. მზადაა. ცხელ კექსს თავზე მოაპკურეთ 2 კოვზი კონიაკი. გაციების შემდეგ გაახვიეთ პერგამენტის ქაღალდში და მოსამწიფებლად გრილ, მშრალ კარადაში შეინახეთ 7-14 დღე.

ყველაზე გემრიელი საშობაო კექსი მზადაა! დაჭერით თხელ, სიფრიფანა ნაჭრებად და მიირთვით სურნელოვან ჩაისთან ერთად.

* სოდა ამ კექსს არ სჭირდება, თუმცა თუ ვერ წარმოგიდგენიათ მის გარეშე - დაამატეთ ცოტა