თბილ წყალში გახსენით საფუარი და 10 წუთი ადროვეთ. დიდ თასში მოათავსეთ ცომის ინგრედიენტები და დაასხით საფუვრიანი წყალი. მოზილეთ ცომი. დადგით თბილ ადგილას ასაფუებლად.გაფუებული ცომი სამ არათანაბარ ნაწილად გაყავით. დაასვენეთ 10 წუთი, შემდეგ დიდი ნაწილი უნდა გააბრტყელოთ, ჩააფინოთ ფორმაში და ჩაუდოთ გულსართი. მასზე ოდნავ მომცრო ზომის ცომი გააბრტყელეთ და ზემოდან გადააფარეთ. ნაპირები კარგად შემოუკეცეთ. ცომის პატარა ნაწილით გააკეთეთ სხვადასხვა სასურველი ფიგურები და გააფორმეთ ღვეზელი. ზემოდან წაუსვით რძეში გახსნილი კვერცხის გული. გამოაცხეთ 180-200 გრადუსზე გახურებულ ღუმელში.გულსართი:მოშუშეთ ხახვი ზეთში, დაამატეთ უმი ფარში და განაგრძეთ შუშვა საშუალო ცეცხლზე. პერიოდულად ურიეთ. დაამატეთ დაფნა და ცოტაოდენი ქონდარი. სითხეს რომ დაიშრობს და მოიშუშება (ფერზე მიხვდებით), დაამატეთ მოხარშული ბრინჯი, მოხარშული კვერცხი, წვრილად დაჭრილი ნიორი, მარილი და პილპილი.