ბატი საკმაოდ ცხიმიანია და ამიტომ მას ხშირად ამზადებენ ვაშლთან ერთად. ვაშლი იწოვს წვისას გამოყოფილ ცხიმს და აკეთილშობილებს კერძის აროამტსა და გემოს. ცხიმის შეწოვის მიზნით, ბატის ფარშირებისთვის ზოგჯერ იყენებენ მოხარშულ წიწიბურას ან ბრინჯაც.გარეცხილ-გასუფთავებული ბატი გაამშრალეთ და შიგნით-გარეთ წაუსვით წვრილად დაჭრილი როზმარინის, ქონდრის, მარილისა და პილპილის ნაზავი. გააჩერეთ მაცივარში რამდენიმე საათი ან მთელი ღამე. შემდეგ ხელსახოცით გაასუფთავეთ, რომ მწვანილის ნარჩენები მოაცილოთ კანიდან, მუცელი კი ამოუვსეთ მსხვილ ნაჭრებად დაჭრილი ვაშლით. ზემოდან ფუნჯით გადაუსვით ზეთი, დააფარეთ ფოლგა და 160 გრადუსზე 2.5 საათი წვით. წვის დაწყებიდან 2 საათის შემდეგ ბატი გამოიღეთ, გამოსული ცხიმი ცალკე გადმოწურეთ, ბატი კვლავ ღუმელში შეაბრუნეთ. გვერდით შემოულაგეთ თქვენი გემოვნებისამებრ შეზავებული დაჭრილი კომბოსტო და მთლიანი ვაშლები. ამ ყველაფერს შემდეგ გარნირად შემოულაგებთ გარშემო. გადაწურული წვენი კი ბატს ზემოდან მალ-მალე გადაუსვით ხოლმე. 30 წუთში ფოლგა საერთოდ მოაძრეთ, ტემპერატურას აუწიეთ 200 გრადუსამდე რატა ბატი ლამაზად დაიბრაწოს. არ დაგავიწყდეთ ცხიმის გადასმა ზემოდან.მზა ბატს მუცლიდან ამოაცალეთ ვაშლები, რომელიც ცხიმით იქნება გაჟღენთილი და შეგიძლიათ საკვებად არ გამოიყენოთ.
