ნუში, თხილი და ფსტა მოხალეთ ღუმელში 150 გრადუსზე. ჯერ დაიწყეთ თხილით, რამდენიმე წუთში დაამატეთ ნუში, ბოლოს კი ფსტა, რადგან ის ყველაზე სწრაფად იხალება. ყურადღებით იყავით, რომ არ დაიწვას.დაბალ ცეცხლზე ქვაბით დადგით თაფლის, წყლისა და შაქრის ნარევი გასადნობად. ერთგვაროვანი რომ გახდება და ოდნავ გამუქდება, გადმოიღეთ (140გრადუსს უნდა მიაღწიოს ნარევის ტემპერატურამ). თუ ცეცხლზე მეტ ხანს დატოვებთ, ნუგა ძალიან მაგარი გამოვა, ადრე თუ გადმოდგამთ, რბილი გამოვა.პარალელურად ცილისგან ამოიყვანეთ კარგი მკვრივი ბეზე და შეათქვიფეთ მდუღარე სიროპი. დაამატეთ მოხალული თხილეული. უნდა გადაიტანოთ რაიმე ფართო ფორმაში, რომელშიც წინასწარ იქნება ჩაფენილი სპეციალური ფურცელი (რომელიც ასევე იჭმევა). გააცივებთ მაცივარში, შემდეგ ამოიღებთ და დაჭრით სასურველ ზომაზე. მაგრამ ამგვარი ფურცელი საქართველოში არ იშოვება, უბრალოდ ჩააფინეთ პერგამენტის ქაღალდი, შემდეგ კი მოაცილეთ და ისე დაჭერით.