საქონლის ფეხები და კუჭი საგულდაგულოდ გარეცხეთ, დაჭერით ულუფებად, დაალბეთ წყალში 1 საათი. შემდეგ კიდევ გარეცხეთ. მოათავსეთ ქვაბში, დაასხით წყალი და წამოადუღეთ. მოხადეთ ქაფი, ადუღების შემდეგ გამოუცვალეთ წყალი, დაასხით ახალი და კვლავ წამოადუღეთ. 1 საათიანი ხარშვის შემდეგ ჩაამატეთ ქვაბში სტაფილო და ხახვის თავი. ეს აუცილებელი არ არის, მაგრამ არომატს აუმჯობესებს. ხარშეთ ძალიან დაბალ ცეცხლზე მინიმუმ 4-5 საათი. მზა ბულიონს დაამატეთ რძე და მარილი. ნიორი დაჭყლიტეთ და გააზავეთ ცოტა წყლით. მიიტანეთ სუფრასთან ცალკე.ასევე ცალკე შეგიძლიათ მიიტანოთ დაჭრილი წითელი წიწაკა და ქინძი. ყველას შეუძლია თავის თეფშზე დაამატოს სასურველი არომატი.ხაშის მომზადების მეორე ვერსიით, ფეხებს და ფაშვს ცალ-ცალკე ხარშავენ. ფაშვის ბულიონს დამახასიათებელი სუნი აქვს და შესაძლოა ბევრს არ მოსწონდეს, ამიტომ თეფშზე იღებენ დაჭრილ მოხარშულ ფაშვს, ბულიონს კი ფეხების ნახარშიდან ამატებენ.
