ცალ-ცალკე მოამზადეთ კარაქის და ცომის ბლოკი. კარაქის ბლოკი: 400 გ დარბილებულ კარაქს შეურიეთ 175 გ ფქვილი, მიქსერით, დაბალ სიჩქარეზე. გადაიტანეთ ცელოფანზე, მიეცით კვადრატის ფორმე (15 სმ) და შედეთ მაცივარში 2 საათი. (ფოტო1) ფქვილის ბლოკისთვის დაგჭირდებათ: 185 მლ ცივი წყალი, 1 ჩ,კ მარილი, 1/2 ჩ.კ ძმარი, 420 გ ფქვილი და 100 გ გამდნარი, გაგრილებული კარაქი. ჯერ ფქვილი და კარაქი შეურიეთ, შემდეგ დაამატეთ წყალი, მარილი და ძმარი. დიდხანს ზელვა არ სჭირდება. მიეცით კვადრატის ფორმა (10 სმ) და შეინახეთ მაცივარში 2 სთ. (ფოტო 2). 2 საათის შემდეგ კარაქის ბლოკი გააბრტყელეთ ფქვილმოყრილ მაგიდაზე,ერთ მხარეს დაადეთ ფქვილის ბლოკი, გადააფარეთ მეორე ნაწილი, გვერდები მიუწებეთგვერდები (ფოტო3). გააბრტყელეთ 1 სმ სისქეზე, ისე რომ სიგრძეში სამჯერ გრძელი იყოს, ვიდრე სიგანეში. გადაკეცეთ როგორც ფოტოზეა ნაჩვენები (ფოტო 4-5). შეაბრუნეთ მაცივარში 20 წუთი, შემდეგ კიდევ გააბრტყელეთ და გადაკეცეთ (ფოტო6). გაიმეორეთ მეორეჯერაც. ამის შემდეგ ცომი 3 მმ სისქეზე გააბრტყელეთ და დაჭერით სასურველი ზომის ნაჭრებად. დაჩხვლიტეთ ჩანგლით და გამოაცხეთ 200 გრადუსზე დაახლოებით 20 წუთი. ცომთან მუშაობის დროს, როგორც კი იგრძნობთ რომ დარბილდა, შეაბრუნეთ მაცივარში. იხილეთ "ნაპოლეონის" სხვა რეცეპტებიც: ნამდვილი, ძველებური "ნაპოლეონი" ტაფაზე გამომცხვარი "ნაპოლეონი" ყველასთვის საყვარელი ნამცხვარი 'ნაპოლეონი" ტორტი "ნაპოლეონი" - ვიდეო-რეცეპტი განსხვავებული "ნაპოლეონი" - მარტივად