ტოსკანური ღვეზელი მოხარშული კრემით TORTA DELLA NONNA
ტოსკანური ღვეზელი მოხარშული კრემით TORTA DELLA NONNA
დრო 120წთ
ულუფა 12
სირთულე საშუალო
შეინახე რეცეპტი

ინგრედიენტები

ცომი
  • ფქვილი - 200 გ
  • სოდა - 1/2 ჩ.კ
  • კარაქი - 75 გ
  • შაქარი - 75 გ
  • კვერცხი - 1
  • 1/2 ლიმონის ცედრა
  • ვანილი
კრემი
  • რძე - 350 მლ
  • ფქვილი - 1 ს.კ
  • კვერცხი - 2
  • 1/2 ლიმონის ცედრა
  • შაქარი - 100 გ
  • ვანილი
  • ნუშის ფირფიტები
მომზადების წესები
გაცრილ ფქვილს დაამატეთ დაჭრილი კარაქი და ხელით კარგად აურიეთ, სანამ ფხვიერ მასას არ მიიღებთ. შემდეგ შეურიეთ შაქარი და ცედრა. დაამატეთ კვერცხი და კარგად აურიეთ. ცომი შეინახეთ მაცივარში.

რძეს დაამატეთ ცედრა და გააცხელეთ. პარალელურად კარგად აურიეთ ერთმანეთში კვერცხი, ფქვილი, შაქარი და ვანილი. დაასხით ცხელი რძე და კარგად გახსენით. შემდეგ დადგით დაბალ ცეცხლზე და მოხარშეთ გასქელებამდე, თან ხშირად ურიეთ. კრემი ბოლომდე გააციეთ.

ცომი გაყავით ორ ნაწილად, 1 მათგანი მეორეზე ცოტა მეტი რომ იყოს. დიდი ნაწილი გააბრტყელეთ და ჩააფინეთ 22 სმ ფორმაში, ისე , რომ გვერდებიც ამოუყვანოთ. ამოავსეთ კრემით. გააბრტყელეთ მეორე ნაწილი ცომი და დააფარეთ. გვერდები კარგად მიუწებეთ. მოაყარეთ ნუში (ან ნიგოზი) და გამოაცხეთ 180 გრადუსზე 40-50 წუთი. ფორმიდან ამოიღეთ გაციების შემდეგ.