ბისკვიტი:კვერცხის ცილა და გული გააცალკევეთ. გულები ათქვიფეთ 50 გ შაქართან, სანამ ღია ფერის ფუმფულა მასად არ იქცევა. შოკოლადი გაადნეთ, გააგრილეთ და შეათქვიფეთ გულებს. ცალკე ათქვიფეთ ცილისგან ბეზე. შეათქვიფეთ დარჩენილი შაქარი. უნდა მიიღოთ პრიალა, მკვრივი ბეზე. შეურიეთ გულებს აკურატულად, ნიჩბის საშუალებით. მიღებული მასა გადაიტანეთ ფართო საცხობ ტაფაზე (ღუმელის სტანდარტული ტაფა), რომელსაც წინასწარ ჩააფენთ პერგამენტის ქაღალდს. გამოაცხეთ 180 გრადუსზე 15-18 წუთი.გამოცხობის შემდეგ გადმოიტანეთ ქაღალდზე, ხოლო ის ქაღალდი, რომელზეც ცხვებოდა, ააძრეთ. გააციეთ ბოლომდე.გაციებული ბისკვიტი დაჭერით თვენთვის ხელსაყრელ ზომაზე: ორ თანაბარ ნაწილად ან იმ ფორმის შესაბამისად, რომელშიც უნდა ააწყოთ ტორტი. ბისკვიტები შინახეთ მაცივარში მინიმუმ 30-40 წუთი (ან თუნდაც მთელი ღამე).კრემი:თეთრი შოკოლადი წინასწარ გაადნეთ და გააგრილეთ.პიტნის ფოთლები ბლენდერში დააქუცმაცეთ. შემდეგ დაამატეთ 100 მლ ნაღები და კვლავ კარგად ათქვიფეთ (ბლენდერშივე). შემდეგ გაატარეთ საწურში, რომ ზედმეტი პიტნა მოშორდეს. ჟელატინს დაასხით 5 კოვზი წყალი და აცალეთ გაფუება.შემდეგ ზედმეტი წყალი გადაღვარეთ, დარჩენილი ჟელატინი კი გაადნეთ დაბალ ცეცხლზე. გააგრილეთ და შეურიეთ პიტნიან ნაღებს.დარჩენილ ნაღებს შეურიეტ პიტნიანი ნაღები და შაქრის პუდრა. ათქვიფეთ მიქსერით. შეათქვიფეთ გაგრილებული შოკოლადი.ოთხკუთხა ფორმაში ჩადეთ ბისკვიტის ერთი ნაჭერი. დაასხით რემის ნახევარი, შემდეგ ბისკვიტის მეორე ნაწილი და დარჩენილი კრემი. შეინახეთ მაცივარში 1 ღამით.მზა ტორტი დაჭერით კვადრატებად, გააფორმეთ შოკოლადით და პიტნით