ქლიავი გარეცხეთ, დაასხით კონიაკი და დატოვეთ 2-3 საათი. დარბილებულ კარაქს შეურიეთ კვერცხის გული, კონიაკი, პუდრა, მარილი, კაკაო. შემდეგ დაამატეთ ფქვილი და მოზილეთ ფხვიერი ცომი. ცომი გაანაწილეთ 20 სმ დიამეტრის ფორმაში, ისე რომ გაუკეთოთ 4 სმ სიმაღლის გვერდებიც. დაჩხვლიტეთ ჩანგლით და შედგით მაცივარში 20 წუთი. შემდეგ გამოაცხეთ 200 გრადუსზე 20 წუთი.შოკოლადს დაასხით ცხელი ნაღები და კარგად მოურიეთ რომ ერთგვაროვანი მასა მიიღოთ. დაამატეთ მასკარპონე და კვლავ აურიეთ. თუ მასკარპონე ან სხვა კრემ-ყველი არ გაქვთ, დაამატეთ 70-80 გ კარაქი ან 150 გ არაჟანი, თუმცა მასკარპონე იდეალური ვარიანტია.ქლიავს გადაუწურეთ ზედმეტი სითხე და ჩაალაგეთ გამომცხვარი ტარტის ძირში. დაასხით შოკოლადიანი კრემი და შედგით მაცივარში 5-6 საათი.