კოქტეილი "კამიკაძე" - ყველაზე გაბედულებისთვის
კოქტეილი "კამიკაძე" - ყველაზე გაბედულებისთვის
დრო 5წთ
ულუფა 1
სირთულე მარტივი
შეინახე რეცეპტი
1274 წელს მონღოლებმა იაპონიის დაპყრობა გადაწყვიტეს, მაგრამ ძლიერმა ქარმა და ცუდმა ამინდმა მათ კუნძულებთან მისვლაში ხელი შეუშალა. 1281 წელს მონღოლებმა ხელმეორედ სცადეს იაპონიაზე თავდასხმა და ტაიფუნმა კვლავ ჩაშალა მათი გეგმები. ასე გაჩნდა სახელწოდება "ღვთიური ქარი" - ანუ "კამიკაძე".
მოგვიანებით კამიკაძედ მოიხსენიებდნენ არმიაში მომსახურე იაპონელ თვითმკვლელ მფრინავებს. დღემდე, იაპონელები სიტყვა "კამიკაძეს" მხოლოდ მფრინავებთან მიმართებაში იყენებენ. თუმცა სხვა ქვეყნებში ეს სიტყვა ამჟამად უფრო ფართო გაგებით გამოიყენება.

უცნობია რატომ ჰქვია კოქტეილს ასე. ალბათ უნდა წარმოვიდგინოთ რა "სიმაღლეებზე" შეიძლება აგვიყვანოს რამდენიმე ბოკალმა :)

ინგრედიენტები

  • ლიმონის/ლაიმის წვენი - 30 მლ (1/3)
  • ტრიპლ სეკი/ფორთოხლის ლიქიორი - 30 მლ (1/3)
  • არაყი - 30 მლ (1/3)
მომზადების წესები
ბოკალი წინასწარ გააციეთ (ჩაყარეთ ყინული, შემდეგ დაცალეთ).
შეიკერში მოათავსეთ ყველა ინგრედიენტი და ყინული, კარგად აანჯღრიეთ და გადაიტანეთ ცივ ბოკალში. მორთეთ ლიმონის/ლაიმის ნაჭრით ან კანით
ტეგები:
ლიქიორი არაყი კოქტეილი ნანახია: 5494