გაცერით შაქრის პუდრა და რძის ფხვნილი ერთად. შუაში გაუკეთეთ რღმული და ჩაასხით შესქელებული რძის ნაწილი, თან კოვზით ურიეთ. ამატეთ რძე და ცოტა ლიმონის წვენი. ბოლომდე რომ შეურიევთ კოვზით, შემდეგ დაიწყეთ ხელით მოზელვა. ხელები შაქრის პუდრში ამოისვარეთ და ისე მოზილეთ, რომ არ მიგეწებოთ. მაგრამ თუ პუდრი ბევრი მოგივათ, ფონდანტი გამაგრდება. ამ შემთხვევაში ცოტა ლიმონის წვენი მიამატეთ. რომ არ გამოშრეს, მაშინვე შეინახეთ ცელოფანში. ფონდანტი ბუნებრივად მოკრემისფროა, მაგრამ შეგილძლიათ დაამატოთ რამდენიმე წვეთი კულინარიული საღებავი და სასურველ ფერზე შეღებოთ. ამ ფონდანტით შეგიძლიათ დაფაროთ ტორტები ან გააკეთოთ ყვავილები და სხვა ფიგურები მოსართავად. აქვს სასიამოვნო გემო და ნაყიდისგან განსხვავებით, თამამად შეგიძლიათ აჭამოთ ბავშვებსაც.