კარტოფილი და ხახვი დააქუცმაცეთ ბლენდერში ან გაატარეთ ხორცსაკეპში. პურს დაასხით იმდენი რძე რომ დაფაროს და კარგად გაიჟღინთოს. შემდეგ გაწურვის გარეშე დაამატეთ ფარშს. შეგიძლიათ დარჩენილი რძეც დაასხათ. დაამატეთ კარტოფილი და ხახვი, მარილი და პილპილი, 1 კოვზი ზეთი და მდოგვი (თუ ცხარეა ნაკლები დაამატეთ). ფარში კარგად დაზილეთ. გააცხელეთ ტაფა, დაასხით ცოტა ზეთი. სველი ხელებით გააკეთეთ კატლეტები და შეწვით ერთი მხრიდან. გადაბრუნების შემდეგ ცეცხლს დაუწიეთ და ტაფას დააფარეთ - ამგვარად კატლეტი შეწვასთან ერთად მოიშუშება კიდეც. გამოვა წვნიანი და რბილი, ფუმფულა კატლეტი.