დრო
0წთ
ულუფა
0
სირთულე
მარტივი
შეინახე
რეცეპტი
ამ რეცეპტით გამოგივათ წარმოუდგენლად გემრიელი, ზომიერად ნოტიო, ფუმფულა ბისკვიტი, რომელსაც შეგიძლიათ წაუსვათ ნებისმიერი კრემი, ან მიირთვათ პირდაპირ, დამოუკიდებელი დესერტის სახით.
ინგრედიენტები
- ფქვილი - 250 გ
- სოდა - 1.5 ჩ.კ
- მარილი - 1/2 ჩ.კ
- შაქარი - 250 გ
- კაკაო - 55 გ
- კვერცხი - 2
- დარბილებული კარაქი - 60 გ
- ზეთი - 60 მლ
- რძე - 280 მლ
- ძმარი - 1 ს.კ
მომზადების წესები
შეურიეთ ერთმანეთს მშრალი ინგრედიენტები: ფქვილი, შაქარი, კაკაო, მარილი, სოდა. შემდეგ დაამატეთ ყველა დანარჩენი და დაიწყეთ მიქსერით ათქვეფა დაბალ სიჩქარეზე. თავიდან კოშტებიანი ცომია, მაგრამ მალევე გახდება ერთგვაროვანი. ბოლოს დაამატეთ ძმარი.
16-20 სმ დიამეტრის და 4-5 სმ სიმაღლის ფორმას ჩააფინეთ ძირში ქაღალდი და ჩაასხით ცომი. ცომი ფორმის ნახევარზე უნდა მოადგეს. გამოაცხეთ 175 გრადუსზე გახურებულ ღუმელში, 45-55 წუთი. ბისკვიტი ორჯერ მაინც იმატებს სიმაღლეში. გადმოიღეთ, გააციეთ. სასურველია რამდენიმე საათი დაასვენოთ ცელოფანში შეფუთული.
მორთეთ ნებისმიერი კრემით ან უბრალოდ შოკოლადი მოასხით.
როგორ მოვამზადოთ ქილები მურაბებისა და მწნილებისთვის, რომ ზამთრის მარაგი არ გაგვიფუჭდეს
„ხანდახან ადამიანისგან ძალიან ბევრს ელოდები და იმედს გიცრუებს“ - როგორ აფასებს ლევან კობიაშვილი „მასტერშეფის“ მესამე სეზონს და რა ელოდება მაყურებელს
8 საკვები, რომელიც ყველაზე ეფექტურად ებრძვის ნაოჭებს და 2 პროდუქტი, რომელზეც უარი უნდა თქვათ
