კვერცხი, შაქარი და ვანილი ათქვიფეთ მიქსერით, მაღალ სიჩქარეზე, 3 წუთის განმავლობაში. დაამატეთ რძე და კიდევ 3 წუთი თქვიფეთ. შემდეგ დაამატეთ ზეთი, გამაფხვიერებელი, ფქვილი და მიქსერითვე შეურიეთ.ფორმაში ( 19х19 სმ)ჩააფინეთ ქაღალდი და წაუსვით ცხიმი. გადაიტანეთ ცომი და გამოაცხეთ 30 წუთი 180 გრადუსზე. ცოტა გააგრილეთ, შემდეგ გადმოაბრუნეთ და ააცალეთ ქაღალდი. გააციეთ და დაჭერით 16 ნაჭრად.რძე, კაკაო, შაქარი და შოკოლადი დაბალ ცეცხლზე დადგით. ურიეთ, რომ ერთგვაროვანი მასა მიიღოთ. შემდეგ გააციეთ ოთახის ტემპერატურამდე. მიღებულ სოუსში ყველა მხრიდან ამოავლეთ ნამცხვრის ნაჭრები, 15 წამი თითო მხარეს, ან მეტიც, თუ კარგად გაჟღენთილი ბისკვიტი გსურთ. მსუბუქად დაფერთხეთ, ზედმეტი სითხე რომ მოსცილდეს და ამოავლეთ ქოქოსში. ასე გაიმეორეთ ყველა ნაჭერზე. ბისკვიტები სუფრაზე მიიტანეთ მაშინვე.
