კვერცხი და შაქარი მიქსერით 10 წუთი თქვიფეთ. უნდა გახდეს ძალიან ფუმფულა მასა და მოცულობაში მოიმატოს 2-3ჯერ. დააცერით ფქვილი და სოდა, შეურიეთ მიქსერით დაბალ სიჩქარეზე. გათლილი, დაჭრილი ვაშლი ჩაალაგეთ კარაქწასმული ფორმის ძირში. მოაფრქვიეთ დარიჩინი და საფანელი. აურიეთ, ისევ მოასწორეთ და დაასხით ცომი. შედგით ღუმელში 170 გრადუსზე და პირველი 20 წუთი კარს ნუ გამოაღებთ. ცხობის დრო დამოკიდებულია ფორმის ზომაზე და მერყეობს 30-40 წუთს შორის. კრემისთვის უბრალოდ ათქვიფეთ შაქარი და არაჟანი. გამომცხვარი ნამცხვარი გადმოაბრუნეთ თეფშზე და გაცივების შემდეგ კრემი გადაუსვით.