თასში ათქვიფეთ კარაქი და შაქარი, სანამ ფუმფულა თეთრ მასად არ იქცევა. დაამატეთ კვერცხები სათითაოდ, თან შეუჩერებლად თქვიფეთ. შემდეგ შეურიეთ ლიმონის ცედრა და ლიმონის წვენი, ბოლოს ფქვილი, გამაფხვიერებელი და მწიკვი მარილი. მიღებულ კრემოვან ცომს ნელ-ნელა შეურიეთ რძე, თან თქვიფეთ. მეტი არომატისთვის, შეგიძლიათ დაამატოთ 1 ჩ.კ. ლიმონის ექსტრაქტი/ესენცია.ფორმას წაუსვით კარაქი და მოაფრქვიეთ ფქვილი. გადაიტანეთ ცომი ფორმაში და გამოაცხეთ 180 გრადუსზე გახურებულ ღუმელში. გააგრილეთ 10 წუთი და შემდეგ გადმოიღეთ ფორმიდან.გაცივების შემდეგ წაუსვით მინანქარი. მის მოსამზადებლად ყველა ინგრედიენტი ერთად ათქვიფეთ სანამ ფუმფულა მასას არ მიიღებთ.