ბისკვიტი: გაადნეთ შოკოლადი და კარაქი. დაამატეთ ბრენდი. შემდეგ ათქვიფეთ კვერცხი და შაქარი 10 წუთის განმავლობაში. დაამატეთ შოკოლადის მასა, ფქვილი და კიდევ 3 წუთი თქვიფეთ. ჩაასხით 24-26 სმ დიამეტრის ფორმაში და გამოაცხეთ 160 გრადუსზე 40 წუთი მიახლოებით.ბეზე: ჯერ ცილა ათქვიფეთ, შემდეგ ნელ-ნელა შეათქვიფეთ შაქარი. თასს რომ გადმოაბრუნებთ, ბეზე არ უნდა გადმოიღვაროს. შეურიეთ მოხალული, დაჭრილი ნიგოზი. ტაფაზე დააფინეთ ქაღალდი, მოხაზეთ ტორტის დიამეტრის შესაბამისი წრე და ამ წრის შიგნით გაანაწილეთ ბეზე. გამოცხობის შემდეგ ბეზე ცოტას მოიმატებს სიგანეში.ცხვება 1/2 საათი 150 გრადუსზე, შემდეგ 10 წუთი 125 გრადუსზე, შემდეგ 1სთ 40 წუთი 100 გრადუსზე. თუმცა შეიძლება დრო განსხვავდებოდეს ღუმელის თავისებურებების მიხედვით.კრემი: აურიეთ რძე, შაქარი და კვერცხი. ძალიან დაბალ ცეცხლზე დადგით და გამუდმებული მორევით მოხარშეთ შესქელებამდე. დაამატეთ შოკოლადი და ურიეთ რომ გადნეს. გააგრილეთ და შეათქვიფეთ წინასწარ კარგად ათქვეფილ კარაქს. დაამატეთ კონიაკი.სიროპი: შაქარი და წყალი წამოადუღეთ. დაამატეთ კონიაკი და გააგრილეთ.განაში: ცხელი ნაღები დაასხით დაჭრილ შოკოლადს, კარაქს და კარგად ურიეთ, სანამ ერთგვაროვანი არ გაახდება. შეურიეთ კონიაკი და გააციეთ.აწყობა: ბისკვიტი გაჭერით ორად. დანამეთ სიროპით. წაუსვით კრემი, დაადეთ ბეზე, კვლავ კრემი გადაუსვით. ზემოდან დაადეთ მეორე ფირფიტა. გვერდები და ზედაპირი დაფარეთ კვლავ კრემის თხელი ფენით, ზემოდან კი გადაანაწილეთ გაგრილებული განაში. მორთეთ თქვენი ფანტაზიით.