ფორთოხლის კრემიანი ფუნთუშები
ფორთოხლის კრემიანი ფუნთუშები
დრო 90წთ
ულუფა 4
სირთულე საშუალო
შეინახე რეცეპტი

ინგრედიენტები

  • სიმინდის სახამებელი - 12 გ
  • კვერცხის გული - 4 ცალი
  • შაქარი - 90 გ
  • ფორთოხლის წვენი, ახალგამოწურული - 300 გ
  • კრემისთვის -
  • მარილი - მწიკვი
  • რომი - 5 გ
  • თაფლი - 7 გ
  • კარაქი - 90 გ
  • დაწნეხილი საფუარი - 7 გ
  • შაქარი - 75 გ
  • კვერცხი - 2
  • რძე - 40 გ
  • ფქვილი - 250 გ
  • ცომისთვის
  • ბრინჯის სახამებელი - 12 გ
  • კარაქი - 100 გ
  • კვერცხის გული+რძე გადასასმელად
მომზადების წესები
ცომის მომზადება
ფქვილი და შაქარი ჩავყაროთ ჯამში, დავაფშვნათ ზემოდან საფუარი, დავამატოთ რძე და დავიწყოთ ცომის მოზელა. ნელ-ნელაშევურიოთ კვერცხი, თაფლი, მარილი, რომი. ბოლოს თანდათან დავუმატოთ დარბილებული კარაქი. გავითვალისწინოთ, რომ მეორე ინგრედიენტი მანამ არ ემატება, სანამ პირველი კარგად არ იქნება შეზელილი. კვერცხის მასის ნახევარს რომ შევაზელთ, მეორე ნახევარი ნელ-ნელა შევაზილოთ, რომ ცომი არ გათხელდეს. დავაკვირდეთ, შეიძლება მთლიანად არ დასჭირდეს (ეს ფქვილის შეწოვის უნარიანობაზეა დამოკიდებული). ცომი უნდა იყოს ოდნავ წებოვანი, მაგრამ არა თხელი. მოზელილი ცომი ცელოფანში გავახვიოთ და მთელი ღამით მაცივარში შევდგათ. მეორე დღეს ცომი გამოვიღოთ მაცივრიდან და ორი საათი ოთახის ტემპერატურაზე, ცელოფანგადაფარებული გავაჩეროთ. შემდეგ დავყოთ 80-გრამიან ნაჭრებად და მრგვალი ფორმა მივცეთ. ცომის გუნდები საცხობ დაფაზე გადავიტანოთ. დავიცვათ დისტანცია, რომ გაფუებისას გუნდები ერთმანეთს არ მიეკრას. ვაცადოთ გაფუება.

კრემის მომზადება
ფორთოხალი გამოვწუროთ, წვენი გავფილტროთ და მოვათავსოთ ქვაბში. კვერცხის გულებისა და შაქრისაგან გოგლიმოგლი გავაკეთოთ, დავუმატოთ სახამებელი. შემდეგ ეს მასა ჩავუშვათ უკვე ადუღებულ ფორთოხლის წვენში და ხელის სათქვეფელით სწრაფად მოვურიოთ. როგორც კი მასა შეიკვრება და შესქელდება, გადმოვდგათ ცეცხლიდან და ცხელსვე დავამატოთ კარაქი.

გამოცხობა
როდესაც ცომის გუნდები გაფუვდება, ბასრი დანით ზემოდან ღრმად, ჯვარედინად გადავსეროთ და კოვზით ჩავდოთ კრემი. ცომს გადავუსვათ რძეში გახსნილი კვერცხის გული, მოვაყაროთ ნუში და 15-20 წუთის განმავლობაში გამოვაცხოთ 175 გრადუს ტემპერატურაზე.