ტორტის შიგთავსის მომზადება წინასწარაც შეიძლება. დაასხით ჩირებს და ქიშმიშს (ცალ-ცალკე) მდუღარე წყალი, დარბილების შემდეგ კი ხორცსაკეპში ან ბლენდერში დააქუცმაცეთ (კვლავ ცალ-ცალკე). თუ მასა ძალიან სქელი გამოვა, ცოტა ცხელი წყლით გაათხელეთ. უნდა მიიღოთ ჯემივით მასა. ნიგოზი შეგიძლიათ შავ ქლიავს შეურიოთ.კრემისთვის ათქვიფეთ არაჟანი და შაქარი. გამოყენებამდე შეინახეთ მაცივარში.ცომი: ათქვიფეთ კვერცხი, შაქარი და არაჟანი. დაამატეთ ფქვილი და სოდა. მიიღებთ რბილ ცომს. გაყავით 8 ნაწილად და თითოეული გააბრტყელეთ. წაუსვით 2 მათგანს შავი ქლიავის ნარევი, 3-3-ს კი ქიშმიშის და გარგრის ჩირის. დაახვიეთ რულეტივით და გამოაცხეთ 180 გრადუსზე, სანამ ოქროსფერს არ მიიღებს. გაცივების შემდეგ დაჭერით რგოლებად.საშუალო ზომის ტორტის ფორმას ჩააფინეთ ცელოფანი. წაუსვით კრემის თხელი ფენა და ჩაალაგეთ სხვადასხვა რულეტები, შემდეგ კვლავ კრემი, კვლავ რულეტი და ასე მონაცვლეობით ააწყვეთ ტორტი ბოლომდე. შედგით მაცივარში ერთი ღამით. შემდეგ გადმოიღეთ ფორმიდან, მოაცილეთ ცელოფანი და მორთეთ როგორც გნებავთ.