გაახურეთ ღუმელი 180 გრადუსზე. შეურიეთ ერთმანეთს გაცრილი ფქვილი, სოდა და მწიკვი მარილი. ცხელ რძეში გაადნეთ კარაქი. ცალკე ათქვიფეთ კვერცხი და შაქარი გათეთრებამდე, დაახლოებით 5 წუთი. შემდეგ ნაწილ-ნაწილ, მონაცვლეობით ამატეთ ფქვილი და კარაქიანი რძე. ყველაფერი კარგად ათქვიფეთ.22-24 სმ დიამეტრის ფორმას წაუსვით ცხიმი და მოაფრქვიეთ ფქვილი. გადაიტანეთ ცომი და გამოაცხეთ 45-50 წუთი. შეურიეთ ერთმანეთს ნაღები, შესქელებული რძე ("სგუშონკა") და კონცენტრირებული რძე*. დაამატეთ ვანილი. ღუმელიდან გამოღებული ბისკვიტიჩადეთ რაიმე ქვაბში ან სხვა შესაფერის ჭურჭელში, ღრმად დაჩხვლიტეთ და ნელა დაასხით სამი სახის რძის პროდუქტის ნარევი, რათა შეწოვა მოასწროს. თავზე დააფარეთ და დატოვეთ 5 საათი ან უკეთესია, მთელი ღამით. ბისკვიტმა ღრუბელივით უნდა შეიწოვოს მთელი სითხე.გადმოაბრუნეთ ბისკვიტი და ზემოდან გადაუსვით მოხარშული შესქელებული რძე, სურვილის შემთხვევაში.*კონცენტრირებული რძე შესქელებული რძის ("სგუშონკის") მსგავსი პროდუქტია, მხოლოდ შაქრის გარეშე. იყიდება მსგავსი შეფუთვით.