ხრაშუნა "ნაპოლეონი"
ხრაშუნა "ნაპოლეონი"
დრო 0წთ
ულუფა 0
სირთულე საშუალო
შეინახე რეცეპტი

ინგრედიენტები

  • შესქელებული რძე - 1 ქილა
  • მწიკვი მარილი
  • ძმარი - 20 მლ
  • წყალი - 170 მლ
  • კარაქი - 250 გ
  • ფქვილი - 430 გ
  • დარბილებული კარაქი - 400 გ (კრემში)
მომზადების წესები
ფქვილს დაამატეთ მარილი და კუბებად დაჭრილი ცივი კარაქი. აურიეთ სანამ ქვიშისებურ მასას არ მიიღებთ. დაამატეთ წყალში გახსნილი ძმარი. კარგად აურიეთ, გაახვიეთ ცელოფანში და შეინახეთ მაცივარში 30 წუთი. გააბრტყელეთ ფქვილიან მაგიდაზე და გადაკეცეთ 4 ნაწილად, შეაბრუნეთ მაცივარში 1 საათით.

გაციებული ცომი 8-9 ნაწილად გაყავით. რომელი ცომიც ჯერ არ გჭირდებათ, მაცივარში შეაბრუნეთ. თითო ნაწილი გააბრტყელეთ ძალიან თხლად, რამდენიმე ადგილას დაჩხვლიტეთ და გამოაცხეთ 200 გრადუსზე შეწითლებამდე. გააცივეთ ბოლომდე.

კრემისთვის დარბილებული კარაქი კარგად ათქვიფეთ და შეათქვიფეთ შესქელებული რძე. თითოეულ ფენას კრემის ძალიან თხელი ფენა წაუსვით. ფენებს წინასწარ უსწორმასწორო ნაპირები ჩამოაჭერით, დაფხვენით და ტორტს ზემოდან მოაყარეთ. რამდენიმე საათით მაცივარში გააჩერეთ.

ტეგები:
ფხვიერი ცომი შესქელებული რძე ნანახია: 279086