ბეზესა და ნიგვზის ტორტი მოხარშული კრემით
ბეზესა და ნიგვზის ტორტი მოხარშული კრემით
დრო 0წთ
ულუფა 6
სირთულე საშუალო
შეინახე რეცეპტი

ინგრედიენტები

  • ნიგოზი - 140 გ
  • კვერცხის ცილა - 5
  • შაქარი - 200 გ
კრემი
  • კვერცხის გული - 2
  • რძე - 200 გ
  • ფქვილი - 20 გ
  • შაქარი - 40 გ
  • ვანილი
მომზადების წესები
ბეზეს ფირფიტები მოამზადეთ წინასწარ, მაგალითად - საღამოს, რომ კარგად გამოშრეს.
საცხობ ტაფაზე დააფინეთ პერგამენტის ქაღალდი და მოხაზეთ 16-17 სმ დიამეტრის წრე. თუ ფორმა დიდია, შესაძლოა სამი ფენაც დაეტიოს ერთდოულად. 

ნიგოზი მსხვილად დაჭერით და მოხალეთ. 
ცილა და შაქარი კარგად ათქვიფეთ, სანამ არ მიიღებთ პრიალა, მყარ, წელვად ბეზეს. დაახლოებით 3-4 კოვზი ბეზე გაანაწილეთ საცხობ ფორმაზე, დახაზული წრეების გარეთ - შემდეგ ამ ბეზეს დაფხვნით და ტორტს ზემოდან მოაყრით. დარჩენილ ბეზეს კი დამატეთ მოხალული ნიგოზი, აურიეთ, წრეებში გაანაწილეთ თანაბრად და მოასწორეთ. გამოაშრეთ ღუმელში 90 გრადუსზე 3 საათი. შემდეგ გამორთეთ ღუმელი და ბეზე შიგნითვე დატოვეთ მეორე დღემდე.

კრემი: კვერცხის გულები შაქართან და ფქვილთან ერთად ათქვიფეთ. დაასხით ცხელი რძე და კვლავ ათქვიფეთ, კარგად რომ გაიხსნას. დაამატეთ ვანილი. შემდეგ დადგით დაბალ ცეცხლზე და მოხარშეთ კრემი შესქელებამდე. მზა კრემი ბოლომდე გააციეთ.

წაუსვით კრემი ბისკვიტებს, მორთეთ ნიგვზით და ცალკე გამომცხვარი ბეზეს ნატეხებით. შეგიძლიათ მოაყაროთ შოკოლადიც. გააჩერეთ მაცივარში რამდენიმე საათი.
ტეგები:
ტორტი ნიგოზი ბეზე ნანახია: 105835