დაგჭირდებათ მინის, პლასტიკის ან სილიკონის ჭურჭელი, რომელიც უსაფრთხოა მიკროტალღური ღუმელისთვის. ეს შეიძლება იყოს ჯამი, კონტეინერი და ა.შ. მოცულობით სასურველია 700 მლ-1 ლ. წაუსვით ცხიმი და მოაფრქვიეთ ფქვილი, ან ძირში პერგამენტის ქაღალდი დააფინეთ (სილიკონს არა სჭირდება).ყველა ინგრედიენტი ერთად მოათავსეთ და მისქერით ან ხელით ათქვიფეთ, რომ კარგად შეერიოს. გადაიტანეთ ფორმაში და შედგით მიკროტალღურში მაქსიმალურ სიმძლავრეზე:1000 ვატზე - 6 წუთი დაახლოებით,700 ვატზე - 9 წუთი დაახლოებით,800 ვატზე - 7 წუთი.გაითვალისწინეთ, რომ ბისკვიტის ზედაპირი არ იბრაწება. ამან შეცდომაში არ შეგიყვანოთ და ცხობის დროს არ მოუმატოთ, თორემ დაიწვება. ცომს შეგიძლიათ დაამატოთ 4 ს.კ კაკაო და მიიღებთ შოკოლადის ბისკვიტს. ამასობაში მოამზადეთ კრემიც: წვენში გახსენით სახამებელი და შაქარი, დაამატეთ ვანილი და რძე. ხარშეთ კრემი რამდენიმე წუთი შესქელებამდე.ტორტისთვის ყველაფერი მზადაა! ისღა დაგრჩენიათ მხოლოდ დაელოდოთ კრემისა და ბისკვიტის გაცივებას, შემდეგ კი ტორტი ააწყოთ, თქვენი გემოვნებით გააფორმოთ და სტუმრებისგან კომპლიმენტები მიიღოთ!