შვრიის რძე ორგანიზმს ენერგიით ავსებს, რადგან მდიდარია ცილებით. მასში შემავალი უჯრედისი კი სისხლძარღვებს ქოლესტერინისგან ასუფთავებს. რძეს აქვს მარცვლეულის სასიამოვნო გემო. შეგიძლიათ დალიოთ ცალკე, ან შეურიეთ ხილი და ბლენდერში ათქვიფოთ - მიიღებთ გემრიელ და სასარგებლო კოქტეილს. მოსამზადებლად გამოიყენეთ ისეთი შვრიის ფანტელი, რომელიც სწრაფი მომზადებისთვის არ არის განკუთვნილი და შედარებით უხეში მარცვლებია. პროპორცია უნდა იყოს 1:3, გამოდის დაახლოებით 300 მლ რძე. 1 ჭიქა შვრიას დაასხით 3 ჭიქა ცივი წყალი, დაამატეთ ცოტა მარილი გემოვნებით და დატოვეთ მთელი ღამით. დილით ბლენდერში ათქვიფეთ მთლიანი მასა. გაწურეთ წვრილ საწურში ან მარლაში და მიირთვით. შეგიძლიათ გემოვნებით დაამატოთ თაფლი, დარიჩინი, ვანილი ან შაქარი. დარჩენილ შვრიის მასას ნუ გადაყრით - შესანიშნავი ნიღაბია სახისთვის. ასევე შეგიძლიათ შეურიოთ სამარხვო გუფთების, კატლეტების მასას.
