ნუშის რძე - საოცრად სასარგებლო და გემრიელი
ნუშის რძე - საოცრად სასარგებლო და გემრიელი
დრო 0წთ
ულუფა 0
სირთულე მარტივი
შეინახე რეცეპტი
ნუშის რძე - ცხოველური რძის კარგი ალტერნატივაა. გარდა იმისა რომ იგი საოცრად გემრიელია, ძალიან სასარგებლოცაა: შეიცავს მაგნიუმს, ფოსფორს, ფოლის მჟავას, კალციუმს, თუთიას და E ვიტამინს.
ნუშის რძეს იყენებენ საკონდიტრო სფეროში, კრემების და სხვა დელიკატესების მოსამზადებლადაც.

ინგრედიენტები

  • წყალი - 2 ჭიქა
  • ნუში - 1 ჭიქა
მომზადების წესები
რძის მოსამზადებლად გჭირდებათ ნუში და წყალი პროპორციით 1:2.

ნუშს დაასხით ცივი წყალი და დატოვეთ რამდენიმე საათი ან მტელი ღამით. შემდეგ გადაწურეთ, დაასხით მდუღარე 5 წუთით, გადაწურეთ და კანი გააცალეთ. თუ კანგაცლილ ნუშს იყენებთ ეს ეტაპი გამოტოვეთ.
გარჩეულ, დამბალ ნუშს დაასხით 2 ჭიქა წყალი და ბლენდერში კარგად ათქვიფეთ, სანამ ერთიან მასად არ იქცევა. გაწურეთ წვრილ საწურში ან მარლაში. უკეთესი გემოსთვის შეგიძლიათ ცოტა შაქარი/თაფლი, ვანილი დაამატოთ. გამოდის 250-300 მლ რძე.

ნუშის ნარჩენებს ნუ გადაყრით - გააშრეთ ღუმელში და დაამატეთ ხრაშუნა ნამცხვრების ან კექსის ცომში (თუმცა გემო ნაკლებად მძაფრი ექნება). იგი ასევე შესანიშნავი შინაური სკრაბია: შეურიეთ ცოტა შხაპის გელი და გამოიყენეთ.
ტეგები:
ნუში რძე ნანახია: 10085