ხახვი დაჭერით ალყა-ალყად და გაანაწილეთ განიერი ქვაბის ძირში. ზემოდან დაალაგეთ ჩხირებად დაჭრილი წიწაკა, შემდეგ კი პომიდვრის ფირფიტები. ბოსტნეულს ზემოდან დაალაგეთ საშუალო ან ოდნავ მოზრდილ ნაჭრებად დაჭრილი ხორცი. მოაყარეთ მარილი და პილპილი. ზემოდან დაფარეთ ხახვისა და წიწაკის კიდევ ერთი ფენით. დააფარეთ თავსახური და დადგით დაბალ ცეცხლზე 2-3 საათი. კერძი საკუთარ წვენში მზადდება - საოცრად არომატული, წვნიანი და გემრიელია.
