ცომის ხაშის ყველა ინგრედიენტი შეურიეთ ერთმანეთს და დადგით თბილ ადგილას 2-3 საათით.შემდეგ ამ მასას დაამატეთ დანარჩენი ინგრედიენტები, მოზილეთ ცომი და დატოვეთ თბილ ადგილას გასაფუებლად. გაფუებული ცომი 2 ნაწილად გაყავით. ცოტა მოზრდილი ნაწილით ნაწნავი გააკეთეთ, მეორე ნაწილი "ქუდისთვის " დაგჭირდებათ. ნაწნავისთვის განკუთვნილი ცომი სამად გაყავით, მიეცით გრძელი თოკისებური ფორმა და დაწანით. მეორე ნაწილი ცომი მოაგუნდავეთ და გადაიტანეთ პერგამენტის ქაღალდიან ტაფაზე. გარშემო შემოაკარით ნაწნავი და შეუწებეთ ბოლოები. გადაუსვით 1 კოვზ წყალში გახსნილი კვერცხის გული. მორთეთ ცომის დეკორაციებით და შედგით ღუმელში 180 გრადუსზე. ცხობის დროს ღუმელში უნდა შეასხუროთ წყალი ან ყინულის 5-6 კუბიკი შედოთ.დეკორის ცომი: მოცემული ინგრედიენტებით მოზილეთ მაგარი ცომი და 1 საათის განმავლობაში დაასვენეთ. შემდეგ გააკეთეთ სასურველი ფიგურები.