ცნობილი იამაიკური ტორტი "კოლიბრი" - ყველასაგან განსხვავებული და საოცარი გემო!
ცნობილი იამაიკური ტორტი "კოლიბრი" - ყველასაგან განსხვავებული და საოცარი გემო!
დრო 0წთ
ულუფა 16
სირთულე საშუალო
შეინახე რეცეპტი
ეს ტორტი ყველა სხვა აქამდე გასინჯული ტორტისგან განსხვავდება. მას სრულიად სხვაგვარი ტექსტურა  და ტროპიკული ხილის არომატი აქვს.

ინგრედიენტები

  • ფქვილი - 390 გ
  • ნიგოზი - 110 გ
  • შაქარი - 300 გ
  • სოდა - 1 ჩ.კ
  • დარიჩინი - 1 ჩ.კ
  • ბანანი (დიდი) - 1 ცალი
  • ანანასი - 250 გ
  • ვანილი
  • ზეთი - 180 მლ
  • კვერცხი - 3
კრემი
  • კრემ-ყველი (cream cheese) - 500 გ (რეკომენდებულია "ფილადელფია")
  • ნაღები ან კარაქი - 225 გ
  • შაქრის პუდრი - 300 გ
  • არაჟანი - 2 ს.კ
მომზადების წესები
გაახურეთ ღუმელი 180 გრადუსზე.
ნიგოზი მოხალეთ, შემდეგ ბლენდერში დაფქვით.
ერთ თასში შეურიეთ ყველა მშრალი ინგრედიენტი: ფქვილი, შაქარი, ნიგოზი, დარიჩინი და სოდა. ცალკე ათქვიფეთ კვერცხი, ზეთი, ვანილი, დაჭყლეტილი ბანანი და წვრილად დაჭრილი ანანასი თავის წვენიანად (რასაც დაჭრისას გაუშვებს). შემდეგ მშრალი ინგრედიენტები დაამატეთ სველს და კოვზით ან საკონდიტრო ნიჩბით შეურიეთ.
ცომი გაანაწილეთ ორ ერთნაირ საშუალო ზომის ფორმაში. ფორმებს წინასწარ ჩაუფინეთ ქაღალდი ძირში. გამოაცხვეთ 30-40 წუთი, გააცივეთ და გაჭერით შუაზე ორივე ბისკვიტი. თუ ბისკვიტის გამოყენება მაშინვე არ გუსრთ, გაცივების შემდეგ გაახვიეთ ფოლგაში და შეინახეთ მაცივარში რამდენიმე დღე.

კრემი: დარბილებული კარაქი კარგად ათქვიფეთ. შემდეგ შეათქვიფეთ ცივი კრემ-ყველი. თუ კარაქის ნაცვლად ნაღებს იყენებთ - ის აუცილებლად ცივი უნდა იყოს და პირდაპირ ცივ კრემ-ყველთან ერთად ათქვიფოთ. შეურიეთ შაქრის პუდრა და არაჟანი. წაუსვით კრემი ფირფიტებს და მორთეთ თქვენი ფანტაზიით.