ბადრიჯანი გავთალოთ და დავჭრათ 1 სმ სისქის მრგვალ ნაჭრებად მოვაყაროთ მარილი და პილპილი ცოტა სითხეს როგორც კი გამოუშვებს, ამოვავლოთ ფქვილში, შემდეგ კვერცხში და ბოლოს საფანელში და შევწვათ ზეთმოსხმულ ტაფაზე ორივე მხრიდან უკვე შემწვარი ბადრიჯნები ზედმეტი ცხიმისგან დავწრიტოთ ქაღალდის ხელსახოცის მეშვეობით. ღრმა მართკუთხა (აჩმის) ტაფაზე მოვასხათ პომიდვრის სოუსი, შემდეგ ერთ ფენად დავალაგოთ ბადრიჯნები, მეორე ფენად თხლად დაჭრილი მოცარელა ( ან სულგუნი), გახეხილი პარმეზანი და მოვასხათ პომიდვრის სოუსი. იგივე გავიმეოროთ მეორე ფენაზეც, მოვაყაროთ პარმეზანი და შევდგათ ღუმელში 175 გრადუსზე დაახლოებით 35-40 წუთი, ისე, რომ ზემოდან მოიბრაწოს.
